Balentien pa Japon
E pelotero yiu di Korsou Wladimir "Coco" Balentien a jega na un akuerdo ku e ekipo profeshonal di Japon "Yakult Swallows". Coco ku tin 26 anja di edat, a bira agente liber na kuminsamentu di november i awor lo bai milita den e Liga Major di Japon.
Yakult Swallows, kual ta sali den Central League, ta hunga su wega nan den "Meiji Jingu Stadium" na Tokyo. Anja pasa e ekipo di Yakult Swallows a finalisa na di kuater luga. Otro anja dia 25 maart 2011 e season ta start, kaminda kada ekipo ta hunga alrededor di 144 wega, ku e team nobo di "Coco" enfrentando e ekipo di Yokohama Bay Stars.
===================================
San Francisco Giants i Hensley "Bam Bam" Meulens ta gana World Series 2010
BASEBALL - Nos prome pelotero yu di korsou den MLB a bira e di dos pelotero yu di korsou pa gana un Serie Mundial miho konosi komo “World Series” (prome tabata Ralph Milliard di Florida Marlins na 1997). Nos ta referi na Hensley “ Bam Bam” Meuleuns ku komo coach di bateo di San Francisco Giants a sa di logra e titulo maksimo den baseball MLB.
Hensley manera nos tur sa a hunga di 1989 te ku 1993 pa e organisashon di New York Yankees. Despues di 1994 pa 1996 Hensley a milita na Japon kaminda na 1995 e la yuda Yakult Swallows, pa titiula kampeon di Japon. For di 1997 Hensley a bai merka bek pa a purba di yega MLB bek. E la milita ku Atlanta Braves (Spring training), Montreal Expos i ku Arizona Diamond Backs.
Tambe Hensley ta e pelotero ku a yuda e selekshon Hulandes di gana di Cuba na wega nan Olimpiko na Sydney na 2000 ku un doblete durante di e wega mentiona.
For di 2003 Hensley su carera komo coach a kuminsa i a bin resulta komo batting coach di San Fransisico Giants.
Bron: Curacacosport.com |
